ਸਟੇਟਸ ਦੇਖਦੇ ਰਹੋ
WhatsApp ਸਟੇਟਸ 'ਤੇ ਆਪਣੇ ਲੋਕਾਂ ਨਾਲ ਫ਼ੋਟੋਆਂ, ਵੀਡੀਓਜ਼, ਵੌਇਸ ਨੋਟਸ ਅਤੇ ਟੈਕਸਟ ਸਾਂਝੇ ਕਰੋ। ਸਟਿੱਕਰ, GIF ਅਤੇ ਹੋਰ ਵੀ ਬਹੁਤ ਕੁਝ ਸ਼ਾਮਲ ਕਰ ਕੇ ਉਨ੍ਹਾਂ ਨੂੰ ਨਿੱਜੀ ਬਣਾਓ। ਉਹ 24 ਘੰਟਿਆਂ ਬਾਅਦ ਵਿਊ ਤੋਂ ਗਾਇਬ ਹੋ ਜਾਣਗੇ।
ਆਪਣੇ ਨਜ਼ਦੀਕੀ ਲੋਕਾਂ ਨਾਲ ਆਪਣੇ ਹਰ ਇੱਕ ਦਿਨ ਨੂੰ ਸਾਂਝਾ ਕਰਨ ਲਈ ਸਿਰਫ਼ ਸ਼ਬਦਾਂ 'ਤੇ ਨਿਰਭਰ ਨਾ ਕਰੋ। ਇਸ ਸੰਬੰਧੀ ਕੰਟਰੋਲ ਹਮੇਸ਼ਾਂ ਤੁਹਾਡੇ ਕੋਲ ਰਹਿੰਦਾ ਹੈ ਕਿ ਤੁਸੀਂ ਜੋ ਕੁਝ ਵੀ ਸਾਂਝਾ ਕਰਦੇ ਹੋ ਉਸ ਨੂੰ ਕੌਣ ਦੇਖਦਾ ਹੈ, ਤੁਸੀਂ ਜਿੰਨਾ ਚਾਹੋ ਓਨੇ ਆਕਰਸ਼ਕ ਅਤੇ ਵਾਸਤਵਿਕ ਬਣ ਸਕਦੇ ਹੋ।
ਆਪਣੇ ਹਰ ਦਿਨ ਨੂੰ ਸਾਂਝਾ ਕਰੋ
ਸਟਿੱਕਰ, ਅਵਤਾਰ, GIF ਅਤੇ ਓਵਰਲੇ ਟੈਕਸਟ ਨਾਲ, ਤੁਹਾਡੇ ਕੋਲ ਆਪਣੇ ਆਪ ਨੂੰ ਦਰਸਾਉਣ, ਕ੍ਰੀਏਟਿਵ ਬਣਨ ਅਤੇ ਆਪਣੀ ਵਾਸਤਵਿਕ ਸਖਸ਼ੀਅਤ ਨੂੰ ਸਾਂਝਾ ਕਰਨ ਲਈ ਸਾਰੇ ਵਿਕਲਪ ਆਸਾਨੀ ਨਾਲ ਉਪਲਬਧ ਹੁੰਦੇ ਹਨ।
ਦੋਸਤਾਂ ਅਤੇ ਪਰਿਵਾਰ ਨਾਲ ਕਨੈਕਟ ਕਰੋ
ਹਰ ਉਸ ਵਿਅਕਤੀ, ਜਿਸ ਨੂੰ ਤੁਸੀਂ ਪਿਆਰ ਕਰਦੇ ਹੋ, ਨੂੰ ਲੂਪ ਵਿੱਚ ਰੱਖੋ ਅਤੇ ਉਨ੍ਹਾਂ ਨੂੰ ਉਸ ਸਮੇਂ ਆਪਣੇ ਸਟੇਟਸ ਵਿੱਚ ਮੈਂਸ਼ਨ ਕਰੋ ਜਦੋਂ ਤੁਹਾਡੇ ਕੋਲ ਕੁਝ ਅਜਿਹਾ ਹੁੰਦਾ ਹੈ, ਜਿਹੜਾ ਤੁਸੀਂ ਉਨ੍ਹਾਂ ਨੂੰ ਦਿਖਾਉਣਾ ਚਾਹੁੰਦੇ ਹੋ। ਉਹ ਇਸਨੂੰ ਲਾਈਕ ਕਰ ਸਕਦੇ ਹਨ ਅਤੇ ਗੱਲਬਾਤ ਸ਼ੁਰੂ ਕਰਨ ਲਈ ਇਸ 'ਤੇ ਜਵਾਬ ਦੇ ਸਕਦੇ ਹਨ।
ਕੰਟਰੋਲ ਆਪਣੇ ਕੋਲ ਰੱਖੋ
ਤੁਹਾਡਾ ਸਟੇਟਸ ਤੁਹਾਡੇ ਜਜ਼ਬਾਤ ਸਾਂਝੇ ਕਰਨ ਲਈ ਹੈ। ਜਦੋਂ ਤੁਸੀਂ ਪੋਸਟ ਕਰਦੇ ਹੋ, ਤਾਂ ਤੁਸੀਂ ਫ਼ੈਸਲਾ ਕਰਦੇ ਹੋ ਕਿ ਇਸ ਨੂੰ ਕੌਣ ਦੇਖ ਸਕਦਾ ਹੈ, ਇਸ ਲਈ ਤੁਸੀਂ ਪਰਦੇ ਦੇ ਪਿੱਛੇ ਦੇ ਦ੍ਰਿਸ਼ਾਂ ਨੂੰ ਸਕੂਨ ਨਾਲ ਸਾਂਝਾ ਕਰ ਸਕਦੇ ਹੋ।
ਟੈਕਸਟ, ਫ਼ੋਟੋਆਂ ਜਾਂ ਵੀਡੀਓ ਨਾਲ ਕੋਈ ਸਟੋਰੀ ਦੱਸੋ।
ਆਪਣੀਆਂ ਮਨਪਸੰਦ ਛੁੱਟੀਆਂ ਦੀਆਂ ਫ਼ੋਟੋਆਂ ਸਾਂਝੀਆਂ ਕਰੋ, ਆਪਣੀ ਨਵੀਨਤਮ ਰਸੋਈ ਸੰਬੰਧੀ ਰਚਨਾਤਮਕਤਾ ਦਿਖਾਓ ਜਾਂ ਇਸ ਪਲ ਵਿੱਚ ਜੋ ਹੋ ਰਿਹਾ ਹੈ, ਉਸ ਨੂੰ ਕੈਪਚਰ ਕਰੋ।
ਇਸਨੂੰ ਆਪਣਾ ਖੁਦ ਦਾ ਬਣਾਓ।
ਸਟੇਟਸ ਨੂੰ ਨਿੱਜੀ ਰੂਪ ਦੇਣ ਲਈ ਇਸ ਵਿੱਚ ਸਟਿੱਕਰ, GIF ਅਤੇ ਟੈਕਸਟ ਸ਼ਾਮਲ ਕਰੋ।
ਆਪਣੇ ਲੋਕਾਂ ਨੂੰ ਮੈਂਸ਼ਨ ਕਰੋ।
ਆਪਣੇ ਸਟੇਟਸ ਵਿੱਚ ਲੋਕਾਂ ਨੂੰ ਮੈਂਸ਼ਨ ਕਰੋ, ਤਾਂ ਜੋ ਉਨ੍ਹਾਂ ਨੂੰ ਪਤਾ ਲੱਗ ਸਕੇ ਕਿ ਤੁਸੀਂ ਕੁਝ ਸਾਂਝਾ ਕੀਤਾ ਹੈ। ਉਹ ਇੱਕ ਵੀ ਚੀਜ਼ ਮਿਸ ਨਹੀਂ ਕਰਨਗੇ ਅਤੇ ਇਸਨੂੰ ਰੀਸ਼ੇਅਰ ਕਰ ਸਕਦੇ ਹਨ।
ਆਪਣੀ ਆਡੀਐਂਸ ਚੁਣੋ।
ਉਨ੍ਹਾਂ ਲੋਕਾਂ ਨੂੰ ਚੁਣੋ, ਜਿਨ੍ਹਾਂ ਨਾਲ ਤੁਸੀਂ ਆਪਣਾ ਸਟੇਟਸ ਸਾਂਝਾ ਕਰਨਾ ਚਾਹੁੰਦੇ ਹੋ। ਤੁਹਾਡੇ ਸਾਰੇ ਸੰਪਰਕਾਂ ਤੋਂ ਲੈ ਕੇ ਤੁਹਾਡੇ ਨਜ਼ਦੀਕੀ ਦੋਸਤਾਂ ਅਤੇ ਪਰਿਵਾਰ ਤੱਕ, ਕੰਟਰੋਲ ਤੁਹਾਡੇ ਕੋਲ ਹੈ।
